Olta Bello

Lindur në Tiranë më 1986 dhe e diplomuar në liceun artistik “Jordan Misja” në degën art dhe skenografi (2005), si dhe për skenografi e kostumografi në Akademinë e Arteve (2009). Në 2013 mbron doktoratën në etnologji pranë Qendrës së Studimeve Albanologjike, Q.S.A. (Tiranë). Për krijimin e saj, artistja frymëzohet nga poema e Fishtës, të cilën autori e shkroi për një kohë të gjatë (e nisi më 1914 dhe e botoi më 1940). Puna e saj, Jerina përmbledh në mënyrë të figurshme të gjitha idetë e melodramave të tjera me sytë e botës shqiptare. Kjo vepër është një himn për bukurinë e për dashurinë në botën shqiptare. Në lojën e bukurisë, të gjitha lulet e botës i mund Jerina, që është shqiptarja vetë, dhe shpallet mbretëresha e luleve.