Helidon Gjergji

Lindur në Tiranë në vitin 1970, qytet ku u diplomua pranë Akademisë së Arteve para se të largohej pas rënies së diktaturës. Po ashtu ai është diplomuar edhe në Akademinë e Arteve të Bukura në Napoli. Në vitin 1997 emigron në Sh.B.A. ku mbron një master (MFA) në Teori dhe Praktikë Arti pranë Northwestern University, Chicago. Gjatë karrierës së tij ka eksperimentuar me mediume të ndryshme, si: pikturë dhe instalacion në arkitekturë. Sado të ndryshme këto mediume, ajo që i bashkon është se në mënyrë konstante ai vë në pikëpyetje thyeshmërinë e kufijve mes medias, vetes dhe parametrave të agjencisë individuale. Prej kohësh jeton dhe punon mes Tiranës dhe New York..