Ledia Kostandini

Lindur në Pogradec në vitin 1983 dhe e diplomuar në Akademinë e Arteve në Tiranë, qytet ku aktualisht jeton dhe punon. Pas diplomimit, ajo është angazhuar vazhdimisht në projekte, bashkëpunime, ekspozita kolektive e vetjake. Puna e saj është përqendruar kryesisht në mixed media, duke kombinuar disa teknika apo materiale, zakonisht duke punuar mbi struktura apo objekte ekzistuese. Tabloja trajtohet si një pjesëz e shkëputur nga mozaiku gjenetik i artistes. Portrete njerëzish, prerë nga fotografi të vjetra të familjes, vijnë si zbulime arkeologjike në thellësinë e brezave. Artistja tenton të rindërtojë një hartë gjenetike. Tabloja ngjan me lojën “Dot to dot”, ku pikërisht ndërlidhja mes pikave zbulon enigmën. Gjithë loja fillon dhe mbaron si një autoportret.