Umberto Pali

Artisti ka lindur në vitin 1965 në Shkodër, ku jeton aktualisht pas një periudhe të gjatë emigrimi në Austri. Ai u diplomua në Akademinë e Arteve të Bukura në Tiranë. Ka marrë pjesë në shumë ekspozita solo dhe grupore në Shkodër, Tiranë, Judenburg, Zeltweg dhe Vjenë. “Për mua, vepra e artit është përvoja dhe njohuria çliruese e artistit i cili, para thellësisë identifikuese të shikuesit, hap horizonte të pafundme semantike të perceptimeve dhe ideve. Sa më piktoriale të jenë mjetet e shprehjes, aq më afër pikturës ndihem.”