Ervin Berxolli

Lindur në Tiranë në vitin 1984 dhe i diplomuar në Akademinë e Arteve të Tiranës, pranë Atelierit të Pikturës Monumentale (2007). Puna e tij përqendrohet kryesisht te fotografia dhe dizajni grafik. Aktualisht është as. pedagog në Universitetin e Arteve (Tiranë), ku jep lëndën e vizatimit në Atelierin e Pikturës Monumentale. Vepra e tij na kujton se transformimi drastik në arkitekturë dhe identitet i qytetit të Tiranës ka krijuar një situatë ku për të parë historinë e qytetit duhet të gërmojmë nëpër kutitë ku gjyshërit tanë mbajnë fotografitë e tyre të rinisë.