Anastas Kostandini

Lindur në vitin 1954 në Pogradec, ku edhe jeton e punon. Në vitin 1978 diplomohet për pikturë monumentale dhe kavaleti në Akademinë e Arteve të Tiranës, dhe në vitin 1991 i jepet titulli “Piktor i merituar”. Perveçse me pikturë, merret edhe me mozaikë dhe piktura murale, ku disa syresh janë ndër më të rëndësishmet në Shqipëri. Gjithashtu merret edhe me ilustrime poezish dhe prozash. Ai është pjesëmarrës dhe organizator i shumë kolonive pikture. “Pikniku” që na sjell Anastasi është imazhi që shënon daljen e artistit “në liri”. Një auto-imazh i familjes së tij transformohet në pikturë prej bardhësisë, para viteve ‘90, vit që ndan dy hemisferat e jetës së njeriut dhe artistit.