Ferdinando Scianna në Shqipëri Dokumentar
“Ditët e Fotografisë Italiane në Tiranë” është ndër projektet më të rëndësishëm të EJAlbum të cilin e organizojmë në bashkëpunim me Institutin Italian të Kulturës në Tiranë. Eventi i parë i organizuar, më 17 prill 2014, ishte vizita në Shqipëri – në të vërtetë një rikthim pas pothuaj 30 vitesh prej vizitës së parë të vitit 1984 – i fotografit të shquar italian, anëtar i agjensisë prestigjoze “Magnum”, artistit Ferdinando Scianna. Në sallën “Nënë Tereza” të Teatrit të Operas dhe Baletit, Scianna mbajti një takim me mbi 400 pjesmarrës ndër artistë, fotografë, personalitete dhe publik i thjeshtë i kryeqytetit. Takimin e hapën dhe moderuan PR i EJAlbum, Julinda Mbrica, Drejtoresha e Institutit Italian të Kulturës në Tiranë, Znj. Fulvia Veneziani, Fotografi i njohur shqiptar, Prof.Asoc. Albes Fusha dhe i gjithe takimi ishte organizuar nën një mbulim mediatik dhe interes të jashtëzakonshëm në Shqipëri.
Ky është një dokumentar i shkurtër tre ditëve të vizitës së Ferdinando Scianna në Shqipëri, realizuar nga bashkëpunëtori yne Elvis Dako.
Shijojeni dhe si përherë, qëndroni të lidhur për eventin tjetër.
Copyright @EJAlbum
Mund të të interesojë edhe:
Oliviero Toscani në Shqipëri
Ferdinando Scianna në Shqipëri.
# 2014, AE ACADEMY, Album Epoca, Albume Fotografike, Art, Artist, EJAlbum Albania, Ferdinando Scianna, Fotografë Shqiptarë, Great Photographers, Intervista, Istituto Italiano Di Cultura, Itali, Julinda Mbrica, Marketing, Shqiperi, Tirana, Wokshop