Florian Bregu

Lindi në Durrës në vitin 1984 dhe ndoqi studimet në liceun artistik “Jan Kukuzeli” po në këtë qytet. Diplomuar në vitin 2007 për Arte Pamore në Accademia Albertina delle Belle Arti të Torinos. Në CV-në e tij janë edhe dy vite studime në Accademia di Belle Arti di Brera, për Artin Grafik, si dhe një master në Grafikë-Dizajn pranë Fondazione Accademia di Communicazione në Milano. Aktualisht punon si dizajner në një agjensi komunikimi. Këtu prezantohet me punimin United Colors of People, që për artistin është mirënjohje dhe arsyetim ndaj qasjes njerëzore të United Colors of Benetton për veçorinë tepër sociale dhe ndërgjegjësuese në komunikim.