Greta Dhaskali Lami

Lindur në Tiranë në vitin 1962. Prej pothuaj tre dekadash ushtron fotografinë duke punuar si fotografe në projekte të ndryshme, duke marrë pjesë në shumë ekspozita vetjake dhe të përbashkëta, si dhe në disa konkurse fotografie brenda dhe jashtë vendit, ku veçojmë disa pjesëmarrje në konkurset “Onufri” dhe “Marubi”, organizuar nga GKA në Tiranë; si dhe një pjesmarrje në konkursin “Gjon Milli”, organizuar nga GKA e Kosovës. Këtu vjen me një vepër të shkëputur nga një cikël, një femër e cila e shikon veten në një pasqyrë të thyer nga plumbat, nëpërmjet një dere gjysmë të hapur. Dhe nga pas, syri i një vajze, që vështron fundin e hidhur të femrës, e cila e tremb ëndrrën e saj të bukur.