Merita Selimi

Ajo ka lindur në Shkodër në vitin 1967 dhe u diplomua në Akademinë e Arteve të Bukura në Tiranë në vitin 1992. Ka punuar si koordinatore dhe drejtoreshë e Qendrës Ndërkombëtare të Kulturës në Tiranë, si skenografe e Teatrit Kombëtar për Fëmijë dhe që nga viti 2003 është profesoreshë e Artit Nudo në Akademinë e Arteve të Bukura në Tiranë, ku jeton dhe punon. “Në punën time, ngjarjet shqetësojnë kohën dhe hapësirën ashtu si i perceptojmë në jetën tonë të përditshme. Kjo mundëson intensitetin e veprës artistike dhe lidhjen e saj me ritmin e jetës. Gjuha vizuale që përdor është grafike, dhe e bën subjektin më të ndjeshëm, më të vërtetë për shikuesin. Ajo lind si një skicë e mendimit të parë dhe jep lehtësi subjektit ‘Njeri’, i cili shfaqet i paidentifikuar”, thotë Merita Selimi.