Sead Kazanxhiu

Lindur në Baltëz të Fierit në vitin 1987 dhe i diplomuar në Akademinë e Arteve në Tiranë. Kërkimi i tij artistik është i lidhur kryesisht me të qenurit një artist rom, si dhe me tematika shqetësuese që e shoqërojnë atë. Puna e tij provokon dhe sfidon perceptimin tradicional mbi popullatën rome në Shqipëri dhe jashtë saj, duke nënvizuar në thellësi disa nga paradokset e vendit të tij. Vetëm duke u frymëzuar nga subjekte të afërta me të, apo nga tregime që dalin nga jeta e tij e përditshme, ai përdor artin si reagim për çka e rrethon. Aktualisht jeton dhe punon në Tiranë.