Diomen Boriçi

Lindur në Shkodër në vitin 1991. Diomeni përfundon studimet e mesme në liceun artistik “Prenk Jakova”, po në qytetin e lindjes; ndërsa ato të larta në Akademinë e Arteve në Tiranë, pranë Atelierit të Pikturës së Kavaletit. Në hapat e parë të karrierës, Boriçi ka nisur një përvojë në mësimdhënie si mësues vizatimi, dhe ka qenë pjesëmarrës në disa ekspozita kolektive gjatë dhe pas studimeve. Per veprën shprehet: “Një shatërvan në një nga rrugët periferike të qytetit të Shkodrës. Tek piktura, më shumë sesa ajo që paraqesin objektet, është gjendja, tensioni, pritja dhe absurdi që unë tentoj të prek gjatë procesit të pikturimit”.