Idlir Koka

“Hije në të gjelbër është një ide, një mision, një ëndërr e vogël apo e madhe e kufizuar në kuadratin e një telajoje 10×12 cm. Hija e një avioni që largohet mbi një terren të gjelbër në breg të detit. Hija dikton praninë e një mjeti që lëviz, nga e cila nuk mund të kuptosh më shumë nëse është një udhëtim turistik apo një eksod”. Lindur në vitin 1979 dhe diplomuar për pikturë grafike në Akademinë e Arteve (Tiranë). Ai është autor i një serie të gjatë ekspozitash në grup që prej vitit të diplomimit, ndërkohë që karriera e tij përfshin edhe përvoja të tjera, si: mësimdhënia në Akademinë e Arteve si lektor i ftuar, bashkëpunëtor në Galerinë Kombëtare të Arteve, puna në fushën e reklamave, skenografisë etj.