PRESSURA rikthehet sërish në skenën shqiptare me një ftesë për angazhim akoma më të thellë prej fotografëve shqiptarë drejt Fotografisë Sociale, pikërisht sepse Pressura ndjek praktikat më të mira bashkëkohore botërore duke u mbështetur mbi fotografinë sociale dhe impaktin e saj afatgjate në shoqëri.
KEEP CALM AND SMILE
Titulli i këtij projekti ambicioz të fotografit Korab Basha, fjalë për fjalë mund të përkthehet “Qëndroni të qetë dhe buzëqeshni”. Basha ripërdor dhe riinterpreton sloganin e ushtrisë së Mbretërisë së Bashkuar i cili gjatë luftës së dytë botërore motivonte britanikët për të qëndruar të qetë dhe për të vazhduar, për të ecur, për të mbajtur gjallë optimizmin, pavarësisht kërcënimit të afërt të pushtimit nazist.
BEHIND THE CURTAIN THERE ARE OTHER CURTAINS
Në këtë ekspozitë – një ndërhyrje specifike nga Naim Spahiu në hapësirat e Open Art Gallery në Prishtinë – hasim në një cikël të ri punësh dhe territoresh të paeksploruara më parë ku teknika dhe materiali janë të lidhura ngushtë me një proces të gjatë dhe në fund rezultojnë në një manifest publik të artistit.
“ËNDËRR METALURGJIKE” Finissage
Ditët e fundit për të vizituar ekspozitën “Sogno Metallurgico / Ëndërr Metalurgjike”, ekspozitë personale e artit Ardian Isufi. Një projekt i Regione Puglia dhe Fondazione Pino Pascali, realizuar në bashkëpunim me EJAlbum nën kurimin e Gaetano Centrone me drejtor te projektit Elton Koritari.
Read more
ARMANDO BABANI – EFEKTI I KONFLIKTIT
Një fëmijë “i burgosur” në shtëpinë e tij nga një përmbytje, karvane të pafund refugjatësh të sfinitur, Edi Rama artist me kapuç si një adoloshent përpara një pjate makaronash, Schumacher i lodhur dhe i deluzionuar pas një gare, busti i ish diktatorit jo më në kembë me turmën sipër, mijëra litarë të varur për njerëz të dëshpëruar që braktisin vendin tonë. Read more
Tirana Castles
“Kalatë e Tiranës – Guida për Fëmijë dhe të Rritur” mundëson njohjen e Kalave dhe Fortesave të qytetit të Tiranës, si objekte të Trashëgimisë tonë Kulturore. Këto guida egzistojnë në dy forma; fizike dhe digjitale. Skanoni qr-codet më lart për ti shkarkuar ato në versionin digjital. Realizimi i të gjitha vizatimeve dhe ilustrimeve të guidave është bërë përmes angazhimit të artistëve të rinj nën udhëheqjen e një stafi akademik të përbërë nga arkeologë, historianë dhe edukatorë. Gjithshka është menduar të lehtësojë pjesëmarrjen në një çelës gjithëpërfshirës, të fëmijëve por edhe të të rriturve. Skanoni qr-codin tjetër dhe njihumi më mirë me ne. Ndërkohë, shijoni edhe vizitën në këtë kala!
PRESSURA – EKSPOZITË NOMADE
Pressura është një koloni nomade artistësh dedikuar fotografisë sociale. Fotografët apo artistët e angazhuar në projekt, zhvillojnë një sens thellësisht të orientuar drejt narracionit (storytelling) si një mjet sa antik aq edhe modern, për të treguar realitetin shpeshherë kompleks të rajonit tonë, si edhe të luftojnë dizinformimin publik duke autentifikuar realitetin sipas etikës dhe ndërgjegjes së tyre. Mue tej, duke krijuar një ambjent me karakter të thellë formativ por njëkohësisht duke favorizuar shkëmbimin kultural dhe profesional mes fotografëve – me qëllimin për të forcuar shpirtin kritik të tyre – Pressura ka ambicien të bëhet një lëvizje e mirëfilltë artistike dhe etike dhe të ndihmojë këtë klasë profesionistësh të orientohet drejt fotografisë sociale – si një sensibilitet artistik dhe një qëndrim drejt realitetit historik social bashkëkohor. Pressura është një urgjencë e artit shqiptar për të zhvilluar premisat për krijimin e një fotogazetarie të prirur jo vetëm drejt lajmit, por drejt kontekstualizimit të tij dhe analizës autoriale.
Fokus Award 14 Edition
FOKUS AWARD 2023 – EDICIONI 14
“Gjërat Kanë Ndryshuar / Things Have Changed?”
Çelja e Festivalit:
– 22 Shtator 2023 / ora 18:00 – Galeria e Arteve “Vilson Kilica”, Fier.
Ceremonia e Dhënies së Çmimeve:
– 22 Shtator 2023 / ora 20:00 – “Teatri Bylis”, Fier
Ekspozita në:
– Fier / Vlorë / Tiranë / Elbasan / Barletta & Orvieto (Ita)